झापा जिल्ला, बुद्धशान्ति गाउँपालिका–४ मंगलबारेस्थित भित्री सडक खण्डमा मंसिर २९ गते राति करिब २१:३० बजे भएको मोटरसाइकल दुर्घटनामा घाइते भएका अभिषेक नेवारको मृत्यु भएको छ।
भञ्ज्याङबाट मंगलबारेतर्फ आउँदै गरेको मे.१० प.११०४ नम्बरको मोटरसाइकल अनियन्त्रित भई दुर्घटना हुँदा ऐलामाई बस्ने २६ वर्षीय चालक नेवार गम्भीर घाइते भएका थिए। घाइते अवस्थामा उनलाई उपचारका लागि बिर्तामोडस्थित बी एण्ड सी अस्पतालमा भर्ना गरिएको थियो।
मंसिर ३० गते राति करिब २१:०० बजे नेवारका आफन्तहरूले उनलाई अस्पतालबाट घर लगेका थिए। तर आज मंसिर १ गते बिहान करिब ०६:३० बजे घरमै उनको मृत्यु भएको प्रहरीले जनाएको छ।
