झापा । भद्रपुर मेची पुलबाट लागूऔषधसहित दमकका दुइ युवा पक्राउ परेका छन् ।
बुधबार अपरान्ह् ४ बजे भद्रपुर ५ मेची पुल स्थित अस्थायी प्रहरी बिट मेचीपुलबाट खटिएकाे प्रहरी टाेलीले भारतबाट नेपाल तर्फ आउँदै गरेकाे प्र- १-०१२ प.४२७७ नम्वरको स्कुटी लाई शंका लागेर चेकजाँच गर्ने क्रममा दमक नगरपालिका वडा न.९ बस्ने २५ वर्षीय स्कुटी चालक सञ्जय लावती र पछाडि बस्ने साेही नगर वडा नम्बर १० का अन्दाजी २८ बर्षीय काजीमान गुरूङकाे साथबाट प्रतिबन्धित लागूऔषध १ ग्राम १४० मिलिग्रामसहित नियन्त्रणमा लिई उक्त स्कुटीसहित दुइ जनालाई जिल्ला प्रहरी कार्यालय झापामा राखी थप अनुसन्धान कार्य जारी रहेको डीएसपी कृष्णकुमार चन्दले बताए ।
