झापा । अत्यधिक गर्मी भएपछि हालसम्म झापाका चारवटा पालिकाले विद्यालयहरुलाई गर्मी बिदा दिएका छन् ।बिर्तामोड , दमक ,भद्रपुर नगरपालिका र कमल गाउँपालिकाले विद्यालयहरुलाई बिदा दिएका हुन् ।
बिर्तामोड नगरपालिकाले आज एक सूचना जारी गरी भोलि र पर्सी दुई दिन पठनपाठन स्थगित गर्ने निर्णय गरिएको जनाएको छ । अत्यधिक गर्मीका कारण पठनपाठन गर्न कठिनाई भएको विभिन्न विद्यालय र अभिभावकहरुबाट माग भएपछि हिउँदे र वर्खे बिदाबाट कट्टा हुने गरी दुई दिन बिदा दिइएको शिक्षा शाखा प्रमुख तिलचन भण्डारीले जनाएका छन् ।
त्यस्तै दमकका प्रमुख प्रशासकीय अधिकृत गणेशराज कार्कीले सूचना जारी
गरी भोलि र पर्सी विद्यालय बिदा दिएको जनाएका छन् । 
यता भद्रपुर नगरले पनि बिहिबार र शुक्रबार बिदा दिएकाे नगरप्रमुख गणाेश पाेखरेलले जनाए ।
यसअघि कमल गाउँपालिकाले
आज र भोलि गर्मी विदा दिइसकेको छ ।
