झापा । भाेली जेठ १५ गते राप्रपासहितले काठमाडाैँमा तय गरेकाे आन्दाेलनकाे अघिल्लाे दिन राष्ट्रिय प्रजातन्त्र पार्टी (राप्रपा) का तीन जना सांसदहरूका पिएसओ (पर्सनल सेक्युरिटी अफिसर) एकैपटक फिर्ता भएका छन्।
प्रमुख सचेतक ज्ञानेन्द्र शाही, सांसदहरू ध्रुवबहादुर प्रधान र दीपक सिंहको पिएसओ फिर्ता भएका हुन्। प्रमुख सचेतक शाहीले सुरक्षा फिर्ता भएको बताए।
पिएसओ फिर्ता भएकाेमा आपत्तिको विषय चाहिँ नभएकाे उनले प्रतिक्रिया दिए । किन फिर्ता भए थाहा नभएकाे उनले बताए । उनले राप्रपाका अरू दुई जना सांसदहरूको पनि पिएसओ फिर्ता भएको बताए। राप्रपाका अर्का सांसदले पनि पिएसओ फिर्ता भएको जानकारी दिए।
शाही प्रमुख सचेतक, सिंह पूर्वाधार विकास समिति र प्रधान पूर्वआइजिपी रहेकोले पिएसओ दिँदै आइएको थियो।
यसबारे नेपाल प्रहरीका केन्द्रीय प्रवक्ता एसएसपी रमेश थापाले नियमित ब्रिफिङका लागि पिएसओहरूलाई बोलाइएको हुन सक्ने बताए। सुरक्षा संवेदनशीलताको आधारमा बेलाबेला सबै पिएसओहरूलाई बोलाएर ब्रिफिङ लिने गरेकाे उनकाे भनाइ छ । त्यही कारण बोलाइएको हो कि उनले भने।
