झापा । आउँदै गरेको तीजको अवसरमा भद्रपुरका मारवाडी महिलाले सिन्धारा(दर खाने) कार्यक्रम सम्पन्न गरेका छन् ।
भद्रपुर मारवाडी महिला मञ्चको आयोजनामा बिहीबार साँझ मारवाडी संघको सभाहलमा विभिन्न साँस्कृतिक कार्यक्रमसहित मिठो परिकार खाएर सिन्धारा(दर) कार्यक्रम सम्पन्न गरेका हुन् ।
मञ्चकी अध्यक्ष निलम गोयलको सभापतित्वमा आयोजना गरेको तीज सिन्धारा(दर खाने) कार्यक्रममा रमाइलो नृत्य, नाटक, कविता ,हाउजी खेल सञ्चालन गरिएको थियो । मञ्चकी पूर्व अध्यक्ष अर्चना मित्तल र निवर्तमान अध्यक्ष प्रिति मित्तलले सहजीकरण गरेको हाउजी रमाइलो खेलमा भाग्यशाली चिठ्ठामा ज्योति अग्रवालले हात पारेकी थिइन् ।
मञ्चकी उपाध्यक्ष अनिता शर्मा र निबर्तमान अध्यक्ष प्रिति मित्तलले संयूक्तरुपमा सञ्चालन गरेको कार्यक्रममा भद्रपुर नगरका करिब एकसय जना मारवाडी महिलाहरुको उपस्थिति रहेको थियो ।
मञ्चकी अध्यक्ष गोयलले कार्यभार सम्हालेपछि विभिन्न क्षेत्रमा सामाजिक गतिविधि तीव्ररुपमा सञ्चालन गर्दै आइरहेको छ ।
