पालिकाका प्रबक्ता गणेश आचार्यले विज्ञप्ती जारी गरि नेपालको संविधान अनुसार नै आफुहरुले काम गरेको भन्दै तोडफोड गर्नेलाई कारबाही हुने बताए । ‘कानूनको अधिनमा रहेर गाउँसभाले गरेको निर्णयानुसार केन्द्र सञ्चालन गरिएको हो,’ उनले भने, ‘यसरी तोडफोड गर्नु कानूनको ठाडो उल्लंघन भएको छ । सार्वजनिक संरचनाको तोडफोड गर्ने सजायँको भागिदार हुनुपर्ने छ ।’
उनले केही व्यवसायीले आफ्नो निहीत स्वार्थका कारण सूचना केन्द्रमा तोडफोड गरिएको दावी गरे । ‘गाउँपालिकाको विभिन्न पर्यटकीय क्षेत्रमा अवलोकनका लागि आउने आन्तरिक तथा बाह्य पर्यटकहरुसँग शूल्क लिने निर्णयसहित कार्यान्वयनमा गएका छौं’, उनले अघि थपे, ‘केही व्यक्तिलाई चित्त बुझेन र अहिले यस्तो गर्नुभयो ।’
आचार्यका अनुसार पालिकाले सूचना केन्द्रमा २ जना कर्मचारी समेत खटाएको थियो । जीविकोपार्जनका लागि दिगो पर्यटन परियोजना र माछापुच्छ्रे गाउँपालिकाको साझेदारीमा पर्यटक सुचना केन्द्र स्थापना गरिएको उपाध्यक्ष सीता अधिकारीले जानकारी दिइन् । उनले पालिकाकै विकास र पर्यटन क्षेत्रको व्यवस्थापनका लागि शुल्क लिने निर्णय गरेको बताइन् ।
