झापा, भद्रपुर —
मिति २०८२।०।२ गते साँझ ७:४० बजे भद्रपुर नगरपालिकाको वडा नं. ५ मेचिपुल नजिक वारण्ट पोईन्टका लागि खटिएको भद्रपुर प्रहरी टोलीले भारतबाट नेपालतर्फ आउँदै गरेको प्रदेश १–०१–१५ प ५३३ नम्बरको मोटरसाइकललाई रोक्दै जाँच गर्दा दुई युवकलाई लागुऔषधसहित पक्राउ गरेको छ।
प्रहरीका अनुसार मोटरसाइकल चालक हल्दिबारी गाउँपालिका–२ का राम मर्डी र हल्दिबारी–३ का धनबहादुर बनले मोटरसाइकलको बीच भागमा चिनिको पोकामा प्लास्टिकमा बेरिएको ब्राउन सुगरजस्तो देखिने लिसाइन पदार्थ लुकाइ–छिपाइ ल्याउँदै गरेको अवस्थामा फेला पारिएको हो। उनीहरूबाट उक्त पदार्थ ३ ग्राम ८३० मिलिग्राम बरामद गरिएको प्रहरीले जनाएको छ।
दुवै जनालाई मोटरसाइकलसहित नियन्त्रणमा लिएर वप्रका भद्रपुरमा प्रारम्भिक अनुसन्धानपछि थप कानुनी कारबाहीका लागि जिल्ला प्रहरी कार्यालय झापा पठाइएको प्रहरीले जानकारी दिएको छ।
