झापा । आउँदै गरेको तीजको अवसरमा भद्रपुरका मेयर र उपमेयरलाइ मारवाडी महिला र युवती मञ्च भद्रपुरले नचाएका छन् । मञ्चले बुधबार भद्रपुर नगरपालिकामा आयोजना गरेको तीज सिन्धारा(दर खाने) कार्यक्रममा नगर प्रमुख गणेश पोखरेल र उपप्रमुख राधाकार्कीलाइ सामूहिक नृत्य गराएर कार्यक्रम सम्पन्न गरेको हो ।
मञ्चकी अध्यक्ष निलम गोयलको सभापतित्व तथा नगर प्रमुख गणेश पोखरेलको प्रमुख आतिथ्यमा सम्पन्न कार्यक्रममा नगरमा कार्यरत महिला कर्मचारी र सरसफाइ कर्मचारीलाइ सहभागि गराएर दर खुवाएका थिए । मञ्चले तीजको अवसरमा सरसफाई कर्मचारीलाइ उपहार स्वरुप श्रृङ्गार सामग्री दिएका थिए ।
मञ्चकी सचिव रिता सरावगीले सञ्चालन गरेको कार्यक्रममा रमाइलो खेलमा विजयी हुने नगर उपप्रमुख कार्कीसहित रञ्जना राजवंशी,रिता हरिजन,पूजा कर्ण र कल्पना आचार्यलाइ पुरस्कृत गरिएको थियो । कार्यक्रममा विभिन्न सामूहिक नृत्य गरेर दर खाएका थिए । 
