साँझ करिब ६:३५ बजे प्रहरी सहायक निरीक्षक ज्ञानदेव मेहताको कमाण्डमा खटिएको टोलीले भारतबाट नेपालतर्फ साइकलमा आउँदै गरेका भद्रपुर–७ मेघा टोल बस्ने २४ वर्षीय सुमन मुखियालाई शंकास्पद अवस्थामा रोकेर चेकजाँच गरेको थियो।
जाँचका क्रममा उनले चलाएको साइकलको सिटमुनी लुकाई–छिपाई ल्याउँदै गरेको ब्राउन सुगर जस्तो देखिने लिसाइलो पदार्थ बरामद भएको प्रहरीले जनाएको छ। उक्त पदार्थ प्लास्टिकसहित ८ ग्राम १०० मिलिग्राम र प्लास्टिक बाहेक ७ ग्राम ७६० मिलिग्राम रहेको बताइएको छ। साथै उनको साथबाट नगद रु. ९,००० समेत बरामद गरिएको छ।
पक्राउ परेका मुखियालाई थप अनुसन्धानका लागि इलाका प्रहरी कार्यालय भद्रपुरमा राखिएको प्रहरीले जनाएको छ।
