झापा / भारतकाे जम्मू कश्मीर अन्तर्गत किश्तवार जिल्लाको चाशोती गाउँमा बादल फाट्दा हाल सम्म ३८ जनाकाे ज्यान गएकाे छ ।
समाचार एजेन्सीका अनुसार घटना मचैल माता यात्राको मार्गमा अवस्थित पडार उपविभागमा भएको हो ।त्याहाँ अहिले उद्धार कार्य जारी रहेकाे छ । प्रशासनले स्थितिको जानकारी लिन टोली पठाएको भारतीय सञ्चार माध्यमले प्रस्ट्याइएका छन् ।
सञ्चार माध्यम पीटीआईका अनुसार अहिलेसम्म ३८ जनाको मृत्यु भएको पुष्टि भएको छ । यस घटनामा अरू ७५ जना घाइते भएको भनिएको छ ।
बादल फुटेको घटनापछि चाशोती गाउँमा अचानक बाढी आयो, जसले धेरै घरहरूलाई क्षति पुर्यायो । जिल्ला प्रशासन र एनडीआरएफ टोलीहरू उद्धार कार्यमा संलग्न छन् ।
काठको पुल र पीएमजीएसवाई पुल दुवैमा क्षति पुगेको छ । माचैल माता यात्राको सुरुवात बिन्दु चाशोती क्षेत्रमा अचानक बाढी आएको अनि उद्धार कार्य सुरु गरिएको किश्तवारका उपायुक्त पंकज कुमार शर्माले भने । स्थितिको निगरानी भइरहेको उनले बताए ।
