झापा / पर्साकाे पोखरीया नगरका पूर्व प्रमुख प्रशासकीय अधिकृत र नासुलाई अख्तियार दुरूपयोग अनुसन्धान आयोगले भ्रष्टाचार गरेकाे आरोपमा नियन्त्रण लिएको छ ।
नगरपालिका तत्कालीन प्रमुख प्रशासकीय अधिकृत अजयकुमार श्रीवास्तव र नायव सुब्बा संदीप साहलाई नियन्त्रणमा लिएको हो ।
उनीहरूलाई अख्तियारको टोलीले शुक्रबार वीरगंज महानगरपालिका-१२ चोक र वडा-३ प्रगतिनगरबाट नियन्त्रणमा लिएको अख्तियारका सहायक प्रवक्ता देवीप्रसाद थपलियाले जानकारी दिए ।
प्रमुख प्रशासकीय अधिकृत श्रीवास्तव हाल बहुदरमाई नगरपालिकामा कार्यरत छन् ।
अख्तियारले उनीहरूलाई विभिन्न योजनाहरूको स्वीकृति एवं कर्मचारी नियुक्ति लगायतका विषयमा अनियमितता गरी भ्रष्टाचार गरेको आरोपमा नियन्त्रणमा लिइएको हो ।
अहिले पोखरीया नगरपालिकामा कार्यरत प्रमुख प्रशासकीय अधिकृत राम बिनायकुमार सिंह र सोही नगरपालिकाको वडा-२ का सचिव ओमप्रकाश चौरसियाको भने दुई वटा मोबाइल नियन्त्रणमा लिएर अनुसन्धान अघि बढाएको छ।
