साङ्केतिक तस्वीर
झापा । भद्रपुरमा खन्ती प्रहार गरि एक जनाको हत्या भएको छ । भद्रपुर–२ बस्ने ३० बर्षीय कमानसिंह राईले स्थानीय गंगा राईलाई खन्ती प्रहार गरी हत्या गरेकाे जिल्ला प्रहरी कार्यालय झापाले जनाएकाे छ ।
बुधबार साँझ ९ बजे विरबहादुर राईको घरमा गएर सुतेका गंगालाई विरबहादुरका छोरा बिहीबार विहान ५ बजे खन्ती प्रहार गरेको जिल्लाका निमित्त सुचना अधिकारी प्रहरी निरीक्षक ढुण्डीराज गिरीले जानकारी दिए । पुरानो रिसिबीका कारण उनले खन्ती प्रहार गरेको र गंगाको घटनास्थल मै मृत्यु भएको गिरीले जानकारी दिए । कमानसिंहलाई प्रहरीले खन्तीसहित नियन्त्रणमा लिएर अनुसन्धान गरिरहेको प्रहरीले जनाएको छ
