झापा । नेपाल प्रहरीले प्रतिबन्धित लागुऔषध सहित २ जना मानिस पक्राउ गरेकाे छ ।
पक्राउ पर्नेमा झापाकाे बुद्धशान्ती गाँउपालिका वडा नं.४ बस्ने वर्ष अं.३६ को सुरज थेवे र झापाकाे शिवसताक्षी नगरपालिका वडा नं. ७ बस्ने बर्ष ४२ को अमृत श्रेष्ठ रहेकाे प्रहरीले जानकारी दिएकाे छ ।
ईलाका प्रहरी कार्यालय काँकरभिट्टा र लागुऔषध नियन्त्रण ब्युरो काँकडभिट्टाबाट खटिएको प्रहरी टोलीले झापाकाे मेचिनगर नगरपालिका वडा नं. ६ स्थित मेचिपुलमा भारतबाट नेपाल तर्फ आउदैं गरेका थेवे र श्रेष्ठलाई शंका लागी चेकजाँज गर्दा थेवेले लगाएको पेन्टीको इलास्टिक भित्र लुकाई छिपाई ल्याउदैं गरेको
प्रतिबन्धित लागुऔषध ब्राउन सुगर ४ ग्राम ५०० मिलिग्राम फेला परेकोले दुवै जनालाई नियन्त्रणमा लिई ईलाका प्रहरी कार्यालय काकरभिट्टामा राखी थप अनुसन्धान कार्य भइरहेको जिल्ला प्रहरी कार्यलय झापाले जानकारी दिएकाे छ ।
