झापा / जेनजीकाे आन्दाेलनका क्रममा सबैभन्दा बढी क्षति पुगेकाे निजी व्यापारीक प्रतिष्ठान भाटभटेनी सुपर स्टाेरमा हाल सम्म ११ जनाकाे शव फेला परिसकेकाे छ ।
विराटनगरकाे भाटभटेनी सुपर स्टाेरमा साेमबार थप एक जनाकाे शव भेटीएपछि स्टाेरमा शव भेटेनिकाे सङ्ख्या ११ पुगेकाे हाे ।मोरङका प्रमुख जिल्ला अधिकारी इन्द्रदेव यादवका अनुसार सोमबार विराटनगरको भाटभटेनीमा भेटिएको शवको पहिचान खुलेको छैन।
भदौ २४ को प्रदर्शनका क्रममा धरानस्थित भाटभटेनीमा भएको आगजनीमा चार जना, काठमाडौंको बाैद्धमा छ जना र विराटनगरमा एक जनाको शव भेटिएको छ।
विराटनगरस्थित भाटभटेनीको इलेक्ट्रोनिक्स विभाग रहेको दोस्रो तल्लामा उक्त कंकाल भेटिएको हो। कंकाल प्रदर्शनकारीको हुनसक्ने प्रहरीले अनुमान छ।
भदौ २४ गतेको प्रदर्शनका क्रममा आगजनी र लुटपाटका क्रममा विराटनगरको भाटभटेनीभित्र सयौं व्यक्ति प्रवेश गरेका थिए। सामान लुटपाटका लागि प्रवेश गरेका व्यक्तिहरू आगजनी भएको थाहा नपाएर बाहिर निस्कन ढिलो गर्दा जलेको हुनसक्ने जनाइएको छ।
आगजनीबाट पूर्ण रूपमा जलेको भाटभटेनीभित्र त्यहाँ कार्यरत कर्मचारीहरूले सफाई गर्ने क्रममा शव जलेको अवस्थामा कंकाल भेटिएपछि प्रहरीले अनुसन्धान अघि बढाएको छ।
त्यस्तै, शवको पहिचानका लागि फरेन्सिक जाँचको प्रक्रिया अघि बढाइएको जनाइएको छ।
हालसम्म भाटभटेनीमा भेटिएका ११ वटै शवको पहिचान भने खुल्न सकेको छैन।
