झापा । लागूऔषधसहित झापाको दमकमा एक महिला पक्राउ परेकी छन् ।
पक्राउ पर्नेमा दमक ४ अडियामल टाेल की ४२ वर्षिया रिता तामाङ् रहेकाे जिल्ला प्रहरी कार्यालय झापाले जनाएकाे छ ।
प्रहरीले दिएकाे विवरण अनुसार इलाका प्रहरी कार्यालय दमक र कोशी प्रदेश प्रहरी कार्यालय विराटनगरबाट खटिएको संयुक्त प्रहरी टोलीले उनको घरकोठा खानतलासी गर्ने क्रममा उनी सुत्ने कोठाको टेवलमुनि झोलाभित्र ट्रामाडोल हाइड्रोक्लोराइड क्याप्सुल ३७ पत्तामा ३७० क्याप्सुल, डीसाइक्लोमिन हाइड्रोक्लोराइड ट्याव्लेट ५६ पत्तामा ५६० ट्याब्लेट फेला पारेको हो ।
लागूऔषधसहित उनलाई इप्रका दमकमा ल्याई थप अनुसन्धान भइरहेको कार्यालयले जनाएको छ ।
