साङ्केतिक तस्वीर
झापा । सुधार केन्द्रकाे साैचालय जाने क्रममा लडेर एक महिलाकाे मृत्यु भएकाे छ । मृत्यु हुनेमा इलाम ४ बरबाेटेकी अन्दाजी ५० बर्षीया जीवनकला काफ्ले रहेकाे जिल्ला प्रहरी कार्यालय झापाले जनाएकाे छ ।
प्रहरीले दिएकाे विवरण अनुसार बिर्तामाेड ५ किरातचाेमा सञ्चालित क्षितीज महिला विकास समाज सुधार केन्द्रमा बिगत ३ महिना यताबाट सुधारका लागि बस्दै आएकी थिइन् । साेमबार राति सवाँ १० बजे साैचालय जाने क्रममा लडेर बेहाेस भएकी थिइन् । बेहाेस भएकी महिलालाइ केन्द्रकी संस्थापक तीलरूपा कट्वालले उपचारका लागि बिर्तामाेड स्थित मनमाेहन अस्पताल पश्चात थप उपचारका लागि बिर्तामाेडकै बिएण्सी अस्पताल पुर्याउन साथ चेकजाँचका क्रममा चिकित्सकले साेमबार राति १० बजेर ५५ मिनटमा मृत घाेषणा गरेकाे जिल्लाका डिएसपी खगेन्द्रबहादुर खड्काले जानकारी दिए ।
घटनापछि कानुनी कारबाहीका लागि शवलाइ प्रादेशिक अस्पताल भद्रपुरमा पठाइएकाे उनले जानकारी दिए । घट्नाका विषयमा थप अनुसन्धान भइरहेकाे उनले जनाए ।
