साङ्केतिक तस्वीर
झापा । बालिकालाई जबरजस्ती करणी गरेको आरोपमा भद्रपुरका लखिराम साेरेन पक्राउ परेका छन् । साविक महेशपुर गाविस हाल भद्रपुर नगरपालिका-४ आँपगाछी बस्ने २० वर्षीय लखिराम सोरेन १७ वर्षीया बालिकालाइ करणी गरेकाे आरोपमा पक्राउ परेका हुन् ।
शुक्रवार बिहान अन्दाजी ४ बजे भद्रपुर-४ स्थित झिलमिल खोलाको डिलमा रहेको बाँसघारीमा बालिकालाई सोरेनले जबरजस्ती करणी गरेकाे आरोप छ । उनले फागुन १० गतेदेखि पटक पटक त्यस्तो व्यवहार गरेको पीडितले दिएको जाहेरीमा उल्लेख छ ।
जाहेरीपछि जिल्ला प्रहरी कार्यालयबाट खटिएको टोलीले सोरेनलाई पक्राउ गरेको जनाइएको छ ।
