झापा । झापाको शिवसताक्षीमा मोटरसाइकलको ठक्करबाट एक पैदलयात्रीको मृत्यु भएको छ ।
शिवसताक्षीमा मोटरसाइकलको ठक्करबाट पैदलयात्रीको मृत्यु
१५ मंगशिर २०८०, शुक्रबार
विहीबार साँझ ६.५० बजेको समयमा शिवसताक्षी १० स्थित पूर्वपश्चिम राजमार्गमा
पश्चिमबाट पूर्वतर्फ आउँदै गरेको प्र १–०१–०१६ प ४३९० नम्बरको मोटरसाइकलले
सोहि दिशातर्फ हिड्दै गरेका पैदलयात्रीलाई पछाडिबाट ठक्कर दिएको थियो ।
दुर्घटनामा तत्काल नाम, थर र वतन नखुलेका पुरुष मानिस गम्भीर घाइते भई
उपचारको लागि बिर्तासिटी हस्पिटल बिर्तामोड पठाएकोमा साँझ ७.३० बजे उपचारको
क्रममा मृत्यु भएको प्रहरीले जनाएको छ । मृतकको शव सोही अस्पतालमा रहेको र
मोटरसाइकल चालक कमल १ बस्ने २० वर्षीय सागर तामाङको हातमा चोट लागेकोले
स्थानीय शिवम् मेडिकलमा सामान्य उपचारपश्चात ईलाका प्रहरी कार्यालय
झिलझिलेमा ल्याई राखिएको जिल्ला प्रहरी कार्यालयले जनाएको छ ।
