साङ्केतिक तस्वीर
झापा । सुकाएको लुगा उठाउन जाँदा जिल्ला प्रहरी कार्यालय झापामा कार्यरत एक प्रहरी जवानलाई सर्पले डसेकाे छ ।
गएराति ११.१० बजे सुकाएको लुगा उठाउन जाँदा प्रहरी जवान मिनराज राहु मगरलाई सर्पले डसेकाे हाे । सर्पले बायाँ घुँडामुनि डसी घाइते भएका मगरलाई उपचारको लागि सर्पदंश उपचार केन्द्र चारआली भर्ना पश्चात् डिस्चार्ज भइसकेकाे जिल्लाका डिएसपी खगेन्द्रबहादुर खड्काले जानकारी दिए । राति भएका कारणा कुन जातकाे सर्पले डसेकाे भन्ने थाहा नभएकाे उनले जनाए ।
प्युठान नोबैनी गाउँपालिका वडा न.८ घर र जिल्ला प्रहरी कार्यालय गुल्मी मातहत दरबन्दी भई मगर हाल जिल्ला प्रहरी कार्यालय झापामा कार्यरत रहेकाे उनले जनाए ।
