झापा । भद्रपुर नगरपालिकाले आगामी आर्थिक वर्ष २०८२/०८३ का लागि ८० करोड ५ लाख २८ हजार रुपैयाँबराबरको बजेट प्रस्ताव गरेको छ । गत आर्थिक बर्षमा ९९ करोड बजेट सार्वजनिक गरेकाे नगरले करिब १९ कराेड न्यून बजेट ल्याएकाे हाे ।
भद्रपुर नगर पालिकाको १६ औ नगरसभामा नगर उपप्रमुख राधा कार्कीले सो बजेट प्रस्ताव गरेकी थिइन् । बजेटमा आगामी आर्थिक वर्ष २०८२/ ०८३ को विभिन्न शीर्षकमा प्राप्त हुन सक्ने रकमलाई आम्दानीको रुपमा प्रक्षेपण गरिएको छ ।
आन्तरीक श्रोत तर्फ ७ करोड, सङ्घीय राजस्व बाँडफाँड तर्फ १२ करोड ३३ लाख ५० हजार, स्थानीय राजस्व बाँडफाँड ४ करोड, प्रदेश राजस्व बाँडफाँड ९८ लाख २१ हजार, सङ्घीय समानीकरण अनुदान १७ करोड २१ लाख, सङ्घीय सशर्त अनुदान चालु तर्फ २८ करोड ८६ लाख, सङ्घीय सशर्त अनुदान पूँजीगतगत ३ करोड ९५ लाख, सङ्घीय समपूरक अनुदान ४० लाख, सङ्घीय विशेष अनुदान १ करोड ६८ लाख ८४ हजार,प्रदेश सशर्त अनुदान चालु ३६ लाख ७३ हजार,प्रदेश सशर्त अनुदान पूँजीगत १९ करोड ९० लाख, प्रदेश समपूरक अनुदान ५९ लाख रुपैयाँ प्रस्ताव गरिएको छ ।
नगर पालिकाको १६ औ नगरसभामा बैठकमा नगरप्रमुख गणेश पोखरेलले आगामी आर्थिक बर्षका लागि नीति तथा कार्यक्रम प्रस्तुत् गरेका थिए भने प्रमुख प्रशासकीय अधिकृत सुनिल निरौलाले सहजीकरण गरेका थिए ।
