झापा । झापाको भद्रपुरमा पहिलो पटक गङ्गा आरती हुने भएको छ । भद्रपुर ५ देविवस्ती स्थित मेची नदी किनारमा आरती हुने भएको हो । आरती कार्यक्रमलाइ मध्यनजर गरी सुर्यनारायण मन्दिर परिसरमा गणेश चतुर्थीको अवसरमा शनिबार दिउँसो गणेश भगवानको मूर्ति स्थापना गरिने वडा नम्बर ५ का वडा अध्यक्ष बन्धु कार्कीले जानकारी दिए ।
नदी किनारमा आइतबार साँझ साढे ५ बजे देखि हुने आरतीलाइ भव्य वनाउन विभिन्न सङ्घ संस्था ,प्रहरी कर्मचारी लगायतले सरसफाइ गरिएको उनको भनाइ छ । पशुपति मन्दिर स्थित वागमति नदीमा हुने आरती नै यहाँ आयोजना गरिने उनले जानकारी दिए ।
