मिति २०८२ साउन २७ गते साँझ करिब ५:४० बजे, जिल्ला झापा भद्रपुर नगरपालिका–५ स्थित मेचिपुल पुलमा प्रहरीले विशेष चेकजाँचका क्रममा लागुऔषधसहित एक युवकलाई नियन्त्रणमा लिएको छ।
वडा प्रहरी कार्यालय भद्रपुरबाट खटिएको टोलीले भारततर्फबाट नेपालतर्फ आउँदै गरेको मे ७ प २८९१ नम्बरको मोपेडलाई शंका लागेर रोकेर चेकजाँच गर्दा चालक सागर पौडेल (२९), स्थायी ठेगाना भद्रपुर–७ गार्मेन्ट चोक, को मलद्धार भित्र लुकाएर ल्याएको ब्राउन सुगर जस्तो देखिने लिसाइलो पदार्थ फेला पारेको प्रहरीले जनाएको छ।
बरामद गरिएको लागुऔषधको तौल ५ ग्राम ७० मिलिग्राम रहेको र उक्त पदार्थ प्लास्टिकमा प्याक गरिएको अवस्थामा भेटिएको थियो। पक्राउ परेका पौडेललाई मोपेडसहित नियन्त्रणमा लिई थप अनुसन्धान तथा आवश्यक कारबाहीका लागि जिल्ला प्रहरी कार्यालय, झापामा पठाइएको प्रहरीले जनाएको छ।
