साङ्केतिक तस्वीर
झापा । टिनको ट्रष्ट लगाउने क्रममा करेन्ट लागेर झापामा एकजनाको ज्यान गएको छ । जिल्ला प्रहरी झापाले दिएको जानकारी अनुसार दमक २ का ६२ वर्षिय खगेन्द्र राइको करेन्ट लागेर उपचारको क्रममा ज्यान गएको जनाएको छ ।
घटना विवरण अनुसार विहीबार विहान सवा नौ बजे राइले आफनै घरको दोस्रो तलामा टिन लगाउने क्रममा बिजुलीको पोलको तारमा टिनले छुएर करेन्ट लागेको थियो । घटनापछि तत्काल दमकस्थित आम्दा अस्पतालमा लगेको र उपचारका क्रममा सवा १० बजे विहान ज्यान गएको जिल्लाका डिएसपी कृष्ण कुमार चन्दले जानकारी दिए ।
