एजेन्सी । उत्तर पश्चिमी पाकिस्तानमा आदिवासीहरुबीचको भूमि विवादको द्वन्द्वमा कम्तीमा ४३ जनाको मृत्यु भएको अधिकारीहरूले जनाएका छन् ।
पाकिस्तानमा आन्तरिक द्वन्द्व चलिरहेको अवस्थामा खैबर पख्तुनख्वाको
पहाडी उत्तरपश्चिमी क्षेत्रको द्वन्द्व लामो र हिंसात्मक हुन सक्ने
उनीहरूले बताएका छन् ।
अधिकारीका अनुसार सुन्नी मुस्लिम मदागी र शिया माली खेल जातिहरू यस
क्षेत्रमा बुधबारदेखि लडिरहेका छन् । बन्दुकधारीले कृषि भूमिको विवादमा
गोली हानेको स्थानीय प्रहरी अधिकारी मुर्तजा हुसेनले जानकारी दिए ।
आक्रमणको
जानकारी दिँदै अफगानिस्तानको सिमावर्ती जिल्ला कुर्रम छेउछाउका
बासिन्दाबीच लामो समयदेखि धार्मिक तनाव बढिरहेको जनाएका छन् ।
सरकारले कुर्रम आदिवासी जिल्लामा युद्धविराम गरेपछि पनि गोलीबारी पुनः
भएको खैबर पख्तुनख्वाको प्रान्तीय आन्तरिक मन्त्रालयका एक वरिष्ठ अधिकारीले
नाम नबताउने सर्तमा जानकारी गराए ।
स्थानीय प्रहरीका अनुसार बुधबारदेखिको द्वन्द्वमा ४३ जनाको मृत्यु हुनुका साथै १८३ जना घाइते भएका छन् । पाकिस्तानको मानवअधिकार आयोगले द्वन्द्वले सर्वसाधारणमा क्षति पु्र्याउनुका साथै आवागमन अवरुद्ध भएको जनाएको छ ।
पाकिस्तानमा लामो समयदेखि सुन्नी र सिया समुदायबीच गहिरो असमानजस्यता कायम रहेको छ । कुर्रम पूर्वआदिवासी क्षेत्रको हिस्सा हो, जुन सन् २०१८ मा खैबर पख्तुनख्वा प्रान्तमा गाँभिएको थियो ।
