झापा / प्रधानमन्त्री बालेन्द्र (बालेन) शाहले विश्वको सबैभन्दा ठूलो फुटबल प्रतियोगिता फिफा विश्वकप २०२६ तर्फ संकेत गर्दै यस पटकको विश्वकपमा आफ्नो मनपर्ने (फेभरेट) देश सहभागी नभएको बताएका छन्।
शनिबार साँझ आफ्नो व्यक्तिगत फेसबुक प्रोफाइलमा एक संक्षिप्त स्टाटस लेख्दै बलेनले धेरैजना साथीभाइले विश्वकपमा कुन देश मनपर्छ भनेर सोधेको प्रश्नको जवाफमा यस्तो बताएका हुन्।
प्रधानमन्त्री शाहले सामाजिक सञ्जालमा ‘धेरै जना साथी भाइले सोध्नुभो, तपाईंको फेवरेट देश कुन वर्ल्डकपमा ? मेरो फेवरेट देशले खेलेकै छैन ! भन्दै आफ्नो धारणा सार्वजनिक गरेका छन्।
प्रधानमन्त्रीको यो पोस्ट सार्वजनिक भएलगत्तै सामाजिक सञ्जालमा विभिन्न प्रकारका अनुमान र टिप्पणीहरू सुरु भएका छन्। नेपाल हालसम्म फिफा विश्वकपमा छनोट हुन नसकेको हुनाले प्रधानमन्त्री शाहले घुमाउरो पारामा नेपाललाई नै आफ्नो एकमात्र रोजाइको राष्ट्र भन्न खोजेको र देशप्रतिको अगाध प्रेम प्रकट गरेको भन्दै धेरैले उनको यो अभिव्यक्तिको प्रशंसा गरेका छन्।
फिफा विश्वकपको २३ औँ संस्करण अमेरिका, मेक्सिको र क्यानडामा भव्य रूपमा सुरु भइसकेको छ। विश्वभर फुटबलको ज्वरो चढिरहेका बेला मुलुकको कार्यकारी प्रमुखले विश्वकपमा अन्य कुनै विदेशी टोलीलाई समर्थन गर्नुको साटो देशलाई नै प्राथमिकतामा राखेर दिएको यो अभिव्यक्तिले फुटबल प्रेमी र आम नागरिकको ध्यान तानेको छ।
