झापा / कोशी प्रदेश सरकारले झापा क्षेत्र नम्बर ३ (क) लाई करोडौँको योजना पारेको छ ।
कोशी सरकारले आगामी आर्थिक वर्ष २०८२/८३ को नीति तथा कार्यक्रममार्फत याे क्षेत्रलाई करोडौँको योजना पारेको हो ।
नेपाली
काँग्रेसबाट यस क्षेत्रबाट निर्वाचित कोशी सांसद तथा भौतिक पूर्वाधार विकास
राज्यमन्त्री भूमिप्रसाद राजवंशीको विशेष पहलमा कचनकवल र भद्रपुर (वडा ९ र
१० बाहेक) अघिल्लो वर्षहरूको तुलनामा यस वर्ष धेरै योजनाहरू पारिएका हुन्
। प्रदेशको सिलिङ बजेट अनुसार प्रत्यक्ष सांसदले दुई करोड ५० लाख र
समानुपातिक सांसदले एक करोड ५० लाख रुपैयाँ बराबरको योजना पार्न सक्ने
व्यवस्था छ ।
प्रत्यक्ष तथा समानुपातिकतर्फका सांसदहरूले भौतिक पूर्वाधार विकास
मन्त्रालयबाट ४५ प्रतिशत, सामाजिक विकास मन्त्रालयबाट २० प्रतिशत, खानेपानी
सिचाई मन्त्रालयबाट १५ प्रतिशत, पर्यटन, वन तथा वातावरण मन्त्रालयबाट १५
प्रतिशत र उद्योग, कृषि तथा सहकारी मन्त्रालयबाट ५ प्रतिशतसम्म योजना पाउँछ
। राजवंशी आफै भौतिक पूर्वाधार विकास राज्यमन्त्री भएका कारण उनले आफ्नो
क्षेत्रमा २० करोड भन्दा बढी योजनाहरू ल्याएका हुन् ।
