झापा । सीमा क्षेत्रबाट लागूऔषध भित्र्याउन खोज्ने एक भारतीय कारोबारी पक्राउ परेका छन् ।
हिजो साँझ ५ बजे झापा गाउँपालिका वडा न. ४ टाँघनडुब्बास्थित इलाका
प्रहरी कार्यालय कुमरखोदबाट खटिएको प्रहरी टोलीले भारतबाट नेपालतर्फ
साइकलमा आउँदै गरेका भारत किसनगंज जिल्ला सतकुवा दिंगलबैक पञ्चायत वडा न.१
बस्ने ३६ वर्षीय सोमाई किस्कुलाई लागूऔषधसहित पक्राउ गरेको जिल्ला प्रहरी कार्याल झापाले जनाएकाे छ ।
उनलाई चेकजाँच गर्दा लुकाई छिपाई ल्याउँदैं गरेको प्लाष्टिकसहित २० ग्राम ब्राउनसुगर फेला परेको थियो । उनलाई जिल्ला प्रहरी कार्यालयमा ल्याई थप अनुसन्धान भइरहेको डीएसपी कृष्णकुमार चन्दले बताए ।
