फायल तस्वीर
झापा । जबर्जस्ती करणी मुद्दमा झापा कारागार चन्द्रगढीमा कैद भुक्तान गरिरहेका एकजना कैदी अस्पतालबाट फरार भएका छन्
कारागारबाट उपचाररत २४ वर्षीय जीवन साह ओमसाई पाथीभरा अस्पताल भद्रपुरबाट फरार भएका हुन् । त्यहाँ उपचाररत साहलाई आज बिहान ३ः४० बजे सोही अस्पतालको शौचालय लगिकोमा शौचालयबाटै उनी फरार भएका हुन् ।
छातीमा समस्या भएपछि भद्रपुर ५ घर भएका साहलाई भदौ २५ गते बिहान प्रादेशिक अस्पताल भद्रपुर लगिएको थियो । त्यहाँबाट थप उपचारको लागि ओमसाई पाथीभरा अस्पतालमा रेफर गरिएको थियो ।
घटनापछि जिल्ला प्रहरी कार्यालयका एसपी मिलन के.सी.को कमाण्डमा फरार कैदी साहको खोजी भइरहेको प्रहरी स्रोतले जानकारी दिएको छ ।
यसअघि इलाका प्रहरी कार्यालय बिर्तामोडका एकजना थुनुवा हतकडी फुस्काई अस्पतालबाट नै फरार भएका थिए । फरार भएको चार दिनपछि भदौ ८ गते उनी बिर्तामोड बसपार्कबाट समातिएका थिए ।
पछिल्लाे समय झापामा आपराधिक कृयाकलापका घटना दैनिक हुदै आइरहेकाे छ ।
