झापा / ३३ औं
अन्तर्राष्ट्रिय अपाङ्गता दिवसको अवसरमा युवा व्यवसायी सञ्जीव घोष र पिंकी
घोषले १४ जना अपाङ्गता भएका व्यक्ति र कर्मचारीलाई जाडोमा लगाउने न्यानो
लुगा (ट्रयाक सुट) वितरण गरेका छन् ।उनीहरूले दिवा खाजाको समेत व्यवस्था गरिदिएको अपाङ्ग पुनर्स्थापन केन्द्रका कार्यक्रम इन्चार्ज केदार महतले जानकारी दिए ।
कार्यक्रममा
अपाङ्गता भएका व्यक्तिको स्वास्थ्य परीक्षण गर्नुका साथै निःशुल्क औषधि
वितरण गरिएको थियाे । सो शिविरमा केन्द्रमा आश्रित १४ जना सहित ५४ जनाको स्वास्थ्य परीक्षण
गरिएको थियाे । पुनर्स्थापना केन्द्रमा रहेका अपाङ्गता भएकाहरूलाई मानसिक रोग विशेषज्ञ
डा. शंशाकराज पोखरेल र ओमसाई पाथीभरा हस्पिटल भद्रपुरका डाक्टर धर्मेन्द्र
नायक नेतृत्व टोलीले प्राविधिक सहयोग गरेको थियो ।
सोही अवसरमा भद्रशिवा आमा समूहले पुनर्स्थापन केन्द्रका अपाङ्गता भएकाहरूका लागि खाद्यान्न पनि सहयोग गरेको छ ।
केन्द्रका उपसभापति पवन श्रेष्ठको
अध्यक्षतामा भएको कार्यक्रमको सञ्चालन पुनर्स्थापन केन्द्रका कार्यालय
प्रमुख केदार महतले गरेका थिए ।
