हात्ती पाइले राेग विरुद्धको औषधि खुवाउँन सुरू

झापा । झापासँगै धनुषा, महोत्तरी, सर्लाही,रौतहट,रसुवा र कपिलवस्तुमा हात्तीपाइले मुक्त नभएपछि सो रोग विरुद्धको औषधि खुवाउँन सुरू गरिएकाे छ । वैशाख १६ बाट ३० गतेसम्म आमऔषधी सेवन अभियान सञ्चालन गरिने भएको हो ।  
यसैक्रममा झापामा १२ औँ पटक अभियान जारी राखेपनि मुक्त नभएपछि १३ औँ पटकलाइ अन्तिम मानेर अभियान सुरू गरिएकाे  छ । । स्वास्थ्य कार्यालयका अधिकृत विश्वनाथ श्रेष्ठका अनुसार झापामा ७ सय ५०  स्वास्थ्यकर्मी र ६ सय ६ जना महिला स्वास्थ्य स्वयम्सेविका परिचालन गरी औषधि खुवाइने जानकारी दिए ।
 १२औँ पटक अभियान सञ्चालन भइरहेको झापामा हात्तीपाइले रोग निवारणको चरणमा नपुगिसकेकोले यो बर्ष अन्तिम अभियान सञ्चालन भएकाे स्वास्थ्य कार्यालय झापाका प्रमुख रमेश वाह्रकोटीले जानकारी दिए । रोगका बारेमा कार्यपत्र प्रस्तुत् गर्दै उनले गत बर्ष ७५ प्रतिशत मानिसले औषधि खाएको उनले जनाए । अभियान सञ्चालनका लागि ९ करोड ३४ लाख रुपैयाँ बजेट आएको उनले जानकारी दिए । अभियान सफल नभएपछि गतबर्षबाट उचाईका आधारमा र स्वास्थ्यकर्मीको प्रत्यक्ष निगरानीमा औषधि खुवाउन थालिएको उनको भनाइ छ । अभियान सञ्चालनसँगै विरामीको तथ्याङ्क समेत राखेर जिल्लामा रहेका रोगीहरुको सङ्ख्या लिइने उनले बताए । हाल जिल्लामा १ सय ४० जना अनुमानित रोगी देखिएपनि आधिकारिक तथ्याङ्क केही महिनापछि सार्वजनिक गरिने उनले बताए ।