झापा । इलामको रोङ गाउँपालिका ४, बाघखोरस्थित मेची राजमार्ग आज भएको भ्यान दुुर्घटनामा एकजनाको मृत्यु भएको छ ।
झापाबाट इलामतर्फ गुडिरहेको मे १ ज ३२६३ नम्बरको मारुती भ्यान दुर्घटनास्थलमा एकजनाको शव फेला परेको प्रहरीले जनाएको छ । अन्दाजी २४/२५ को मृत पुरुषको नामथर नखुलेको डिएसपी प्रकाश जबेगूले जानकारी दिए ।
‘घटनास्थलमा थप खोजतलास तथा बुझ्ने कार्य भइरहेको छ,’ उनले भने, ‘थप अनुसन्धान तथा कानुनी प्रकृयाका लागि पशुपतिनगरबाट इन्स्पेक्टर नेतृत्वमा सात जनाको टोली घटनास्थल गएको छ ।’
भ्यानका चालक र गाडीमा कति जना सवार थिए भन्नेबारे बुझ्ने कार्य भइरहेको उनले जानकारी दिए ।
