झापा । भद्रपुरमा आइतबार दिउँसो आगलागी भएको छ । भद्रपुर ४ स्थित
डागीबारी निवासी दुर्गामन राजवंशीले खेती गर्ने ठाउँमा बनाइएको अस्थायी
टहरामा आगलागी भएको जिल्ला प्रहरी कार्यालय झापाले जनाएकाे छ । आगलागीबाट टहरासहित दुई थान पानी पम्पसेट र दुई बिगाह धानको परालमा क्षति
भएको प्रहरीले जनाएकाे छ । आगलागीबाट अन्दाजी ३ लाख बराबरको क्षति भएकाे घरधनी राजवंशीले
जानकारी दिए ।
आगलागीको कारण भने खुलेको छैन । टहरामा लागेको आगो मेचीनगर नगरपालिका र
बिर्तामोड नगरपालिकाको दुई वटा दमकल, नेपाल प्रहरी, सशस्त्र प्रहरी,
भद्रपुरका नगर प्रहरी समेतको सहयोगमा नियन्त्रणमा लिइएको प्रहरीले जनाएको छ
। भद्रपुर नगरपालिकाको दमकल मर्मत सम्भारको लागी बिर्तामोड ग्यारेजमा
रहेकोले अन्य पालिकाबाट दमकल आएकाे पाइएकाे छ ।
