झापा / झापामा नाबालिकालाई याैन दुर्व्यवहार गर्ने एक सिटी सफारी चालकलाई प्रहरीले पक्राउ गरेकाे छ ।
पक्राउ पर्नेमा कन्काई ३ बस्ने ५० वर्षीय दिलकुमार प्रधान रहेका छन् । उनलाई इलाका प्रहरी कार्यालय बिर्तामोडले पक्राउ गरेको हो । प्रधानले आफू बस्ने अगाडिको सिटमा राखेर नाबालिकालाई याैन दुर्व्यवहार गरेकाे आराेप लागेकाे छ ।
प्रहरीका अनुसार हिजो साँझ कन्काईको भुरुङ्गाबाट ६ जना किशोरीहरु वनभाेज खाएर फर्किदा प्रधानको सिटी सफारीमा चढेका थिए । उनले पाँचजनालाई पछाडिपट्टि र एकजनालाई आफू बस्ने सिटमा राखेका थिए । छेउमा बसेकी किशोरीलाई उनले यौन दुर्व्यवहार गरेको बताइएको छ ।
ती किशोरीले घटनाबारे जानकारी दिएपछि हिजै साँझ प्रहरीले प्रधानलाई पक्राउ गरेको थियो । उनलाई आज अदालतबाट म्याद थप गरी अनुसन्धान अगाडि बढाइएको प्रहरी जनाएको छ
