साकेतिक तस्वीर
झापा । मानव बेचबिखनविरुद्धका क्षेत्रमा काम गर्दै आइरहेको माइती नेपालले एक वर्षमा नेपाल–भारत सीमा नाकाबाट झण्डै दुई सयजना महिला तथा बालबालिकाहरूको उद्धार गरेको छ ।
विभिन्न
प्रलोभन देखाएर भारत लैजान लागेको अवस्थामा नेपाल–भारत मोरङको सीमा
नाकाबाट सन् २०२३ देखि सन् २०२४ फेबु्रअरीसम्म १ सय ७४ जनालाई उद्धार गरेको
हो । उद्धार
गरिएकामध्ये सबैभन्दा बढी मोरङका रहेको जानकारी गराएको छ । भारत जाने
क्रममा नाकाबाट मोरङलगायत २२ वटै जिल्लाका महिला, युवती तथा बालिकाहरूलाई
बेचबिखन हुनबाट जोगाएको माइती नेपाल विराटनगरका कार्यक्रम संयोजक विनोद
पोखरेलले जानकारी दिए ।
कुन जिल्लाबाट कति भए उद्धार ?
मोरङबाट
५४ जना उद्धार गरिएको पोखरेलले जानकारी दिए । उद्धार गरिएका ५४ मध्ये
विराटनगरका ११ जना रहेका छन् । बेलबारीका ६, सुन्दरहरैंचाका ८, रङ्गेलीका
६, रतुवामाईका ६, सुनवर्षीका ३, पथरीशनिश्चरेका १, उर्लाबारी नगरपालिकाका
२, धनपालथानका ३, ग्रामथानका २, कानेपोखरीका २, कटहरीका २ र बूढीगङ्गा
गाउँपालिकाका १ जनाको उद्धार गरिएको माइती नेपालको अभिलेखमा देखिन्छ ।
यसैगरी कोशी प्रदेशको १४ वटा जिल्लाबाट मात्र १ सय ६३
जनाको सीमा नाकाबाट उद्धार गरिएको पोखरेलले बताए । सुनसरीका ३४, झापाका १७,
उदयपुरका १०, सङ्खुवासभा ६, सप्तरी ८, तेह्रथुम ६, भोजपुर ११, इलाम ६,
खोटाङ ५, सिन्धुली र पाँचथरका १–१ जनाको उद्धार गरेको तथ्याङ्कमा देखिन्छ ।
यस्तै सिरहाका ४, ताप्लेजुङका २, धनुकटाका २, म्याग्दी, कैलाली, काभ्रे,
रौतहट, रूपन्देही, धनुषा र ओखलढुङ्गाका १५ जनाको उद्धार गरिएको छ ।
बेचिनेमा जनजाति समुदायका महिला बढी
उद्धार
गरिएकामध्ये सबैभन्दा बढी जनजाति सामुदायका महिलाहरू रहेको पाइएको छ ।
माइती नेपालले उद्धार गरेकामध्ये १८ वर्षभन्दा माथिका युवतीहरू धेरै छन् ।
१८ वर्षभन्दा माथिका १ सय ३२ जनालाई उद्धार गरेको माइती नेपालका संयोजक
विनोद पोखरेलले जानकारी दिए । १८ वर्षभन्दा मुनिका ४२ जना किशोरी रहेका छन्
। ‘किशोरी र युवतीहरूलाई विभिन्न प्रोलभनमा पारी यौन कर्ममा लगाउन पनि
लगेको पाइएको छ’ उनले भने, ‘मानव बेचबिखनमा अहिले नयाँ तरिका अपनाउने गरेका
पाइएको छ ।’ सीमावर्ती क्षेत्रमा सामाजिक सङ्घ–संस्थाहरूले सक्रियता
बढाएपछि मानव बेचबिखन गर्ने गिरोहले नयाँ तरिका अपनाउने गरेको उनले बताए ।
