झापा / झापाकाे मेचीनगर –१२ माथिल्लो धाइजनस्थित मेची राजमार्गमा अटो र मोटरसाइकल ठाेकिदा एक जनाकाे मृत्यु भएकाे छ ।
मृत्यु हुनेमा मोटरसाइकल चालक अर्जुनधारा –११ बस्ने ३४ वर्षीया भिमबहादुर सार्की रहेकाे प्रहरीले जानकारी दिएकाे छ ।
प्रहरीका अनुसार आज साझ ५ः१० बजेकाे समयमा चारआलीबाट बुधबारेतर्फ जाँदै गरेको प्र.१–०१–००२ ह. ५५७१ न. को अटो र बिपरीत दिशाबाट आउँदै गरेको मे. ८ प. ८०३ न.को मोटरसाइकल एकआपसमा ठक्कर खाई दुर्घटना भएको थियाे । दुर्घटनामा घाइते भएका माेटरसाइकल चालक सार्कीलाई बीएण्डसी अस्पताल बिर्तामोड लगिएकोमा चिकित्सकले लानेबित्तिकै मृत घोषणा गरेका थिए । अटोमा सवार बुद्धशान्ति –३ बस्ने ४९ वर्षीया निर्मला बिक र उनकी छोरी १७ वर्षीया दिपा बिक घाइते भएका छन् । दुबै जनाको बीएण्डके पोलिक्लिनिक चारआलीमा उपचार भइरहेको छ ।
अटो चालक बुद्धशान्ति –१ बस्ने ४० वर्षीय युवराज घिमिरे ,अटो र मोटरसाइकललाई प्रहरी चौकी चारआलीले नियन्त्रणमा लिएको जिल्ला प्रहरी कार्यालयले जनाएको छ ।
