साङ्केतिक तस्वीर
झापा । विर्तामाेडमा फुलबारीकाे व्यवसाय गर्दै आएका भारतीय नागरिकमाथि धारिलाे हतियार प्रहार गरी घाइते बनाएर फरार रहेका दुइ जनालाइ प्रहरीले पक्राउ गरेकाे छ ।
पक्राउ पर्नेमा इलाम घर भइ झापा विर्तमाेड ५ बस्ने २१ बर्षीय भद्रबहादुर बस्नेत र ताप्लेजुङ फुङलिङ नगरपालिका ६ घर भइ हाल विर्तामाेड ६ बस्ने २६ बर्षीय राेहन तामाङ रहेकाे जिल्ला प्रहरी कार्यालय झापाले जनाएकाे छ ।
प्रहरीले दिएकाे विवरण अनुसार भारतीय नागरिक अन्दाजी ३५ बर्षका हविबुल स्लामलाइ उनीहरूले बुधबार राति ११ बजे धारिलाे हतियार (छुरा) प्रहार गरी घाइते बनाइएका थिए ।
घटनापछि इलाका प्रहरी कार्यालय अनारमनी र अस्थायी प्रहरी पाेष्ट बसपार्कबाट खटिएकाे प्रहरी टाेलीले विहीबार राति १ बजेर ५० मिनटमा विर्तामाेड ५ स्थित सुगम पेट्राेल पम्प नजिकबाट पक्राउ गरी थप अनुसन्धानका लागि इलाका प्रहरी कार्यालय अनारमनीमा राखिएकाे जनाइएकाे छ । घाइतेकाे ढाड र कुममा चाेट देखिएकाेले बिएण्सी अस्पतालमा उपचार भइरहेकाे प्रहरीले जानकारी दिएकाे छ ।
