झापा । हिन्दु महिलाहरुको मुख्य चाड तीजको आगमनसगै भद्रपुरमा बृहत्त सिन्धारा(तीज) कार्यक्रम सम्पन्न भएको छ । भद्रपुर मारवाडी महिला मञ्च भद्रपुर झापाले शुक्रबार अपरान्ह् विविध सांकृतिक कार्यक्रम गरी विषेश तीज कार्यक्रम सम्पन्न गरेको हो ।
मञ्चकी अध्यक्ष निलम गोयलको सभापतित्व तथा नेपाल राष्ट्रिय मारवाडी महिला सङ्गठनकी महासचिव अनु जैनको प्रमुख आतिथ्यमा सम्पन्न कार्यक्रममा अनिता शर्मा र सुनिता कोठारीले संयुक्त रुपमा कार्यक्रम सञ्चालन गरेका थिए ।
मञ्चका पूर्व अध्यक्ष अर्चना मित्तल,लक्ष्मी सरिया,कुशुम सरावगी, प्रिती मित्तल र निकी साहेवालालाई सम्मान गरिएको थियो । कार्यक्रममा सामूहिक नृत्य,संस्थाको गतिविधि,रमाइला खेलहरु प्रस्तुत गरिएको थियो ।
नेपालमा रहेका विभिन्न चाड पर्वलाई जोगाई राख्न आजको आवश्यक्ता रहेकोले यस्तो कार्यक्रम गरिएको सहभागी महिलाहरुले बताए ।
कार्यक्रममा भद्रपुर नगरकी उपप्रमुख राधा कार्की, शिक्षा शाखा प्रमुख पवित्रा ढकाल,उद्योगी ,व्यवसायी, मञ्चका छिमेकी नगरका प्रमुख एवम प्रतिनिधि लगायत नगर क्षेत्रका करिब एकसय मारवाडी महिलाहरुको उपस्थिती रहेको थियो ।
