झापा / झापाको बुद्धशान्ति गाउँपालिकामा धनीपूर्जा वितरण सुरू गरिएको छ।
नेपाली कांग्रेसका महामन्त्रीसमेत रहेका प्रतिनिधिसभा सांसद विश्वप्रकाश शर्माले आफ्नो निर्वाचन क्षेत्र झापा १ को बुद्ध शान्तिमा धनीपूर्जा वितरण अभियानको सोमबार सुरूवात गरेको उनको सचिवालयले जानकारी दिएकाे छ।
यस पालिकामा ६ हजारभन्दा बढी घरपरिवारलाई धनीपूर्जा वितरण अभियान सुरू भएको हो ।
७६ वर्षीय वेदनिधि विश्वकर्मा, ८५ वर्षीया कौशिला अधिकारी, ६५ वर्षीया विष्णुमाया लिम्बु, ८६ वर्षीय पुन्य सुवेदी, ७९ वर्षीया चेतकुमारी पौडेल, ८३ वर्षीया रत्न मावो लिम्बु, र ७६ वर्षीया बुद्धिमति लिम्बुलाई धनीपूर्जा हातमा दिएर अभियान सुरू गरिएको थियो।
बुद्धशान्तिका वडा नम्बर ४, ५, ६ र ७ शर्माको निर्वाचन क्षेत्र झापा १ मा पर्छ।यी वडाहरूमा ६२ सय परिवार भूमिहीन छन्। सोमबार १९५ जनाले धनीपूर्जा पाएका छन्।
