झापा । करेन्ट लागेर झापाको कचनकवल गाउँपालिका ४ मा एकजनाको मृत्यु भएको छ ।
गएराति पौने ९ बजे वडा नं ४ बस्ने तुलाराम शाहका १६ बर्षीय छोरा विशालकुमार शाहको करेन्ट लागेर मृत्यु भएको जिल्ला प्रहरी कार्यालय झापाले जनाएकाे छ ।
घरको
भान्सामा नाङ्गो तारमा छुन पुग्दा अचानक करेन्ट लागेर घाइते भएका उनलाई
तत्काल उपचारको लागि प्राथमिक उपचार केन्द्र बनियानीतर्फ लैजादै गर्दा
बाटोमै मृत्यु भएको जिल्लाका डिएसपी कृष्णकुमार चन्दले जानकारी दिए ।
आवश्यक कानुनी प्रक्रिया पूरा गरी शवलाई पोस्टमार्टमका लागि पठाइने जनाइएको छ ।
