झापामा १५ थान हतियार ३१ जना थुनुवा अझै वेपत्ता

                                                                                                                              साङ्केतिक तस्वीर

झापा । भदौ २३ र २४ गते भएको आन्दोलनको क्रममा फरार भएका थुनुवा मध्ये अझै ३१ जना प्रहरी सम्पर्क बाहिर छन् ।  झापामा ९२ जना थुनुवा फरार भएका थिए ।
इलाका प्रहरी कार्यालय अनारमनीबाट ३६ जना, इलाका प्रहरी कार्यालय दमकबाट ५१ जना र इलाका प्रहरी कार्यालयबाट ५ जना थुनुवा फरार भएका थिए । उनीहरू मध्ये ३१ जना अझै प्रहरी सम्पर्क बाहिर रहेको र बाँकीलाई प्रहरीले पक्राउ गरिसकेको जिल्ला प्रहरी कार्यालय झापाले जनाएको छ ।
त्यस्तै जेन जी आन्दोलनको क्रममा प्रदर्शनकारीले लुटेर लगेका हतियार मध्ये १५ था हतियार फेला नपरेको प्रहरीले जनाएको छ ।
निर्वाचनको मिति नजिकिँदै जाँदा ती हतियार र थुनुवा सुरक्षा चुनौती बन्न सक्ने दलहरुले बताउँदै आएका छन् । यता सरकार उनीहरूका कारण निर्वाचन सुरक्षामा कुनै असर नपर्ने बताउँदै आएको छ । केही दिन अघि झापाकी एसपी बशुन्धरा खड्काले हराएका हतियारबाट समस्या नहुने बताएकी थिइन् ।