झापा । ज्ञानोदय शिक्षक बचत तथा ऋण सहकारी संस्था लि भद्रपुर ८ ले संस्थाको १६औँ स्थापना दिवस मनाएको छ ।
संस्थाका अध्यक्ष गोपीकृष्ण न्यौपानेको सभापतित्व एवम संस्थाकै बरिष्ठ सल्लाहकार भलाकाजी कठेतको प्रमुख आतिथ्यमा सोमबार संस्थाको कार्यालयमा स्थापना दिवस मनाएको हो । संस्थाले १६ वटा मैनवत्ती बालेर उत्सव मनाएको थियो ।
संस्थाका सह सचिव सीता विमलीले स्वागत गरेको कार्यक्रममा सल्लाहकार संयोजक गोकुलराज न्यौपाने, प्रमुख अतिथि भलाकाजी कठेत र पूर्व सल्लाहकार समिति सदस्य सुष्मा दाहालले मन्तव्य राखेका थिए ।
संस्थाका सचिव डिल्लीराम अधिकारीले सञ्चालन गरेको कार्यक्रममा संस्थाका पदाधिकारीसहित कर्मचारीको उपस्थिति रहेको सचिव डिल्लीराम अधिकारीले जानकारी दिए ।
हाल संस्थामा ४ सय ६६ शेयर सदस्य आवद्ध रहेका छन् ।
