साङ्केतिक तस्वीर
झापा । झापामा पानीमा डुबेर एकजनाको मृत्यु भएको छ भने दुईजना बेपत्ता भएका छन् ।
पानीमा डुबेर शिवसताक्षी २ बस्ने २८ वर्षीय बुधे बेस्राको मृत्यु भएको
जिल्ला प्रहरी कार्यालय झापाले जनाएकाे छ । घरको पूर्वपट्टी खेतमा जमेको पानीमा डुबेर उनको मृत्यु भएको जिल्लाका डिएसपी कृष्णकुमार चन्दले जानकारी दिए । घरबाट
निस्केका बेस्रालाई बिहीबार बिहान पानीमा डुबेर मृत अबस्थामा देखेपछि उनकी आमाले
स्थानीयलाई खबर गरेकी थिइन् । मादक पदार्थ सेवन गर्ने गरेका बेस्रा छारे
रोगका बिरामीसमेत रहेका थिए ।
त्यस्तै गौरीगञ्ज वडा न.१ स्थित कमल खोलाले बगाउँदा वडा न.१ ढेबुबस्तीका ढेबु मुर्मूका अन्दाजी ४० वर्षका
छोरा लखीराम मुर्मू बेपत्ता भएकाे गौरीगञ्ज वडा न. १ का अध्यक्ष कात्तिकलाल
राजवंशीले बताए ।
बिहीबार दिउँसो ४ बजे ढेबुबस्तीनजिकै रहेको कमल खोला तर्ने
क्रममा उनलाई खोलाले बगाएको वडा अध्यक्ष राजवंशीले बताए । जनपद प्रहरी ,
सशस्त्र प्रहरी तथा स्थानीयको सहयोगमा खोलामा खोजी कार्य जारी रहेको र
हालसम्म पनि फेला नपरेको इलाका प्रहरी कार्यालय झिलझिलेका प्रहरी निरीक्षक
बुढाथोकीले बताए ।
त्यस्तै हिजो साँझदेखि बेपत्ता भएका गौरीगञ्ज गाउँपालिकाका एक किशोरको अवस्था अझै अज्ञात छ।
कमल
बनियानी खोलाले हिजो साँझ खोला तर्ने क्रममा बेपत्ता भएका किशोरको अवस्था
अज्ञात रहेको गौरीगञ्ज १ का वडा अध्यक्ष राजवंशीले बताए ।
खोजीका लागि इलाका प्रहरी कार्यालय झिलझिले, प्रहरी चौकी कुञ्जीबारी,
प्रहरी चौकी महाभारा, इलाका प्रहरी कार्यालय शिवगञ्ज, सशस्त्र प्रहरी र
स्थानीय लागिपरेका छन्। स्थानीयका अनुसार बेपत्ता किशोर सकुशल अवस्थामा
फेला पर्न सक्ने सम्भावना कम रहेको छ ।
