झापा । सशस्त्र प्रहरी बल नेपाल प्रस्तावित सीमा सुरक्षा गुल्म भद्रपुर ५ का डिएसपी चिरञ्जीवी प्रसाईको सरुवा भएको छ ।
डिएसपी प्रसाईको गुल्ममा हाजिर भएको ५ महिना ५ दिनमा पाँचथर फिदममा सरुवा भएको हो । उनको स्थानमा सशस्त्र प्रहरी पोखरा तालिम केन्द्रबाट दयाराम पौडेल आएका छन् । उनीहरुलाई कार्यालयमा बिहीबार एक कार्यक्रमको आयोजना गरी स्वागत तथा विदाई गरिएको छ । विभिन्न संघसंस्था,उद्योगी व्यवसायी,राजनीतिक दल ,प्रहरी कर्मचारी लगायतले स्वागत तथा विदाई गरेका थिए ।
नव आगन्तुक पौडेलले झापा पहिलो भएकोले सवैको साथ र सहयोगको अपेक्षा गरेका थिए भने विदाई भएका प्रसाईले कार्यकाल सफल वनाइदिनु भएकोमा धन्यवाद दिएका थिए । स्थानीय बासिन्दा समेत भएकोले जुनसुकै बेला सहकार्य गर्न तयार रहेको प्रसाईले प्रतिबद्धता जनाएका थिए ।
प्रस्तावित सीमा सुरक्षा गुल्मको मातहतमा पृथीवीनगर,महेशपुर र ज्यामिरगढी पोष्ट रहेको छ भने ९३ प्रहरीको दरबन्दी रहेको जनाएको छ ।
