झापा । पुनस्थापना
केन्द्रमा राखेका आफन्तलाई लिन जाँदा त्यसका सञ्चालकसहित कर्मचारीले एक
महिलासहित तीनजनालाई निर्घात कुटपिट गरेका छन् । झापाको बिर्ताबजारस्थित नयाँ सृष्टि पुनस्थापना केन्द्रकाे कुटपिटबाट अर्जुनधारा–१ की सविना तामाङ, बिर्तामोड–५ का मनकुमार फेदाङ र बाबुराम
योङहाङ घाइते भएका हुन् । घटना अनुसार सविनाको देवर मदन तामाङलाई ६ महिना
अघि सो पुनस्थापना केन्द्रमा उपचारका लागि भर्ना गरिएको थियो । पीडित
परिवारका अनुसार घाइतेमध्ये मनकुमारको मेरुदण्डमा चोट लागेको छ ।घाइते भएका
तीनैजनाको बिर्तामोडको बिएण्डसी हस्पिटलमा उपचार भइरहेको छ ।
सञ्चालक आकास खड्कासँग हरहिसावका बारेमा प्रश्न उठाउँदा अश्लिल शब्दले गाली गलौज
गर्दै एक्कासी कुटपिट गरेको पीडित परिवारका खगेन्द्र तामाङले बताएका छन् ।
खड्काले पहिले सम्झौता गरेको भन्दा १९ हजार बढी रकमको माग गरे पछि त्यसको
कारण परिवारले सोध्दा खड्काले अश्लिल शब्दको प्रयोग गरेको तामाङले बताए ।
तामाङका अनुसार खड्काले प्रश्न सोध्ने महिला सविना तामाङलाई झापड हानेपछि
उनीसँग गएका मनकुमार फेदाङ र बाबुराम योङहाङले प्रतिकारको प्रयास गरेका थिए
। तर, खड्काले आफ्नो साथीहरु बोलाएर ढोका थुनी निर्घात कुटपिट गरेको
तामाङले बताएका छन् ।
यस घटनालाई लिएर पीडित परिवार प्रहरी कहाँ जाँदा प्रहरी ईनिसपेक्टरले
जाहेरीको कुरै सुन्न नमानेको तामाङले बताए । उनी भन्छन्, ‘पहिले जाहेरीको
कुरै सुन्न नमाने पछि एक जना पत्रकारलाई बोलाएर डिएसपीसँग कुरा गरयौं ।
उहाँ जाहेरी लिन मान्नु भयो तर दर्ता गराउनु भएन ।’ उनी भन्छन्, ‘महिलासमेत
कुटपिट हुँदा पनि प्रहरीले जाहेरी लिन मानेन । यस्तो गम्भीर विषयमा पनि
प्रहरीले चासो नलिएको देख्दा नराम्रो लाग्यो ।’
खड्काले आफन्त लिन आएको समयमा तामाङ परिवारसँग सामान्य विवाद मात्र भएको
बताए । उनले भने, ‘उहाँहरु आफन्त छुटाउन आउनु भएको थियो । छुटाउनलाई पैसा
नपुगेपछि उहाँहरुले विवाद सिर्जना गर्दै हामीमाथि आक्रमण गर्नु भयो ।
हामीले आत्मासुरक्षाको निम्ति साधारण ठेलमठेल मात्रै गरेका हौँ।’ खड्का यस
घटनाको सबै कुरा सिसिक्यामेरकामा भएको बताउँछन् । उनले कुटपिट गरेको बिषय
अस्विकार गर्दे आफूले आत्मसुरक्षा मात्र गरेको बताएका छन् ।
खड्काका अनुसार मदन तामाङलाई छुटाउन ४९ हजार रकम आवश्यक रहेको र उक्त रकम नपुगेका कारण विवाद सिर्जना भएको हो ।
आफन्त तीनजनालाई कुटपिट गरेपछि उपचारमा आएका मदन तामाङलाई भने खड्काले घर पठाएका छन् । इजलाशबाट
