ज्यान मार्ने उद्योग कसुरमा संलग्न रहेको अभियोगमा प्रहरीले सिन्धुपाल्चोक त्रिपुरासुन्दरी गाउँपालिका–५ घर भई हाल काठमाडौँ कालीमाटी बस्ने ३४ वर्षीय विष्णु श्रेष्ठ (सुमन) लाई शनिबार पक्राउ गरेको छ।
काठमाडौँ महानगरपालिका–२६ ठमेलस्थित टर्टल लाउन्ज एण्ड क्लबमा गत पुस ६ गते एक व्यक्तिलाई ज्यान मार्ने उद्देश्यले फलामको लेजर लाइट र नकले प्रहार गरी गम्भीर घाइते बनाएर उनी फरार रहेका थिए।
फरार रहेका श्रेष्ठलाई काठमाडौँ उपत्यका अपराध अनुसन्धान कार्यालय टेकुबाट खटिएको विशेष प्रहरी टोलीले ठमेल क्षेत्रबाटै नियन्त्रणमा लिएको हो। पक्राउ परेका उनलाई थप अनुसन्धान तथा कानुनी कारबाहीका लागि जिल्ला प्रहरी परिसर काठमाडौँ पठाइएको छ।
