झापा / झापाकाे विर्तामाेडमा सासू कुट्ने ज्वाईँ पक्राउ परेका छन् ।
मंगलबार साँझ ७.३० बजे बिर्तामोड– १० पश्चिम बिराटपोखर बस्ने ५३ वर्षीया हिमकला पौडेललाई उनका ज्वाइँ ललितपुर महाकाल गाउँपालिका-२ घर भएका ३० वर्षीय ज्ञानेन्द्र बजगाईँले कुटपिट गरेका हुन् ।
बजगाईँ विगत दुई वर्षदेखि ससुरालीमा बस्दै आएका छन् । सामान्य घरायसी विवाद भई कुटपिट गर्दा सासू हिमकलाको नाकमा चोट लागेको छ । उनलाई उपचारको लागि बिर्ता सिटी अस्पताल बिर्तामोड पठाइएको छ र कुटपिट गर्ने बजगाईँलाई नियन्त्रणमा लिई इलाका प्रहरी कार्यालय बिर्तामोडमा राखिएको प्रहरीले जानकारी दिएकाे छ ।
