झापा । सशस्त्र प्रहरी बल सिमा सुरक्षा झापाले लाखाैं मुल्य बराबरकाे लत्ताकपडा बरामद गरेकाे छ ।
सशस्त्र प्रहरी बल नेपाल २ नम्बर गण झापा, जिल्ला प्रहरी कार्यालय र मेची भन्सार कार्यालयको संयुक्त टोलीले विशेष सूचनाको आधारमा ५१ पोका कपडा बरामद गरेको हो ।
मंगलबार उक्त टोलीले मेचीनगर–७ गैरीगाउँ र मेचीनगर–६ सालघारीको तीन ठाउँबाट करिब ३८ लाख ३७ हजार ३२० रुपैयाँ मुल्य बराबरको कपडा बरामद गरिएको सशस्त्र प्रहरी बल नेपाल २ नम्बर गण झापाका डीएसपी तथा प्रवक्ता दिनेश कुटवालले जानकारी दिए ।
गैरीगाउँ र सालघारीमा ठुलो मात्रा भन्सार छलेर कपडा भित्राइएको सूचना पाए लगतै सशस्त्र प्रहरी बल प्रस्तावित गुल्म काँकडभिट्टाको टोली सोमबार राती साढे ९ बजेदेखि सो क्षेत्रमा खटिएका थिए ।
सशस्त्रले गैरीगाउँबाट २२ पोका र सालघारीबाट २९ पोका कपडा बरामद गरेको हो । सीमा क्षेत्र, मकैवारि र एउटा घरबाट सो परिमाणका कपडा फेला परेको थियो । डीएसपी कटुवालका अनुसार सशस्त्रले दुवै स्थानमा रातभरि सामानको सुरक्षा दिएर बसेको थियो भने आज बिहान प्रहरी र भन्सारसँगको सहकार्यमा बरामद गरिएको सामान आवश्क कारबाहीकाे लागि मेची भन्सार कार्यालय काकरभिट्टा पठाएकाे जानकारी दिए । बरामद गरिएकाे सामानमा कुर्ती, कुर्ता सुरुवाल, भेष्ट, पेन्टी, पाइन्ट, म्याक्सी, सटको थान कपडा, लुंगी, तन्ना, सुती साडी, गन्जी, ब्लाउज, पेटिकोट लगायतको रहेको छ । तस्करले मौका छोपी कपडा भित्राएको हुनुपर्छ । कसको सामान भनी नाम नखुलेको डीएसपी कटुवालले बताए ।
हेर्नुहाेस् बरामदी सामानकाे परिणाम
