आज बिहान ४ बजे अर्जुनधारा – ११ स्थित चिया बगानमा लागूऔषध बिक्री भइरहेको भन्ने सूचनाको आधारमा लागूऔषध व्युरो काँकरभिट्टा , अस्थायी प्रहरी पोष्ट बसपार्क र इलाका प्रहरी कार्यालय अनारमनीबाट खटिएको संयुक्त टोलीले ब्राउन सुगरसहित तीनजनालाई पक्राउ गरेको हो ।
पक्राउ पर्नेहरुमा अर्जुनधारा – ११ बस्ने बर्ष २५ का संजोग राई , सोही ठाउँ बस्ने बर्ष २५ का रुपेश दर्जी र बर्ष ३७ का अमृत दर्जी रहेका छन् । उनीहरुको साथबाट प्लाष्टिकबाहेक २७ ग्राम८३० मिलिग्राम ब्राउन सुगर बरामद भएको हो ।
उनीहरुको बा ४० प ३९९४ नं.को मोटरसाइकलसमेत नियन्त्रणमा लिई इप्रका अनारमनीमा ल्याई थप अनुसन्धान भइरहेको जिल्ला प्रहरी कार्यालयले जनाएको छ ।
