झापा । पूर्व विद्यार्थी मञ्चको सकृयतामा झापाको एक विद्यालयमा अनुमानित साढे ६ लाख रुपैयाँको लागतमा विद्यालयमा मूर्तिसहित सरस्वतीको मन्दीर निर्माण गरेका छन् ।
मेचीनगर नगरपालिका वडा नं. १५ ज्यामिरगढी स्थित ज्यामिरगढी माद्ययमिक विद्यालय परिसरमा मूर्तिसहित मन्दीर निर्माण गरेका हुन् ।
नवनिर्मित सरस्वती मन्दीरको सोमबार बसन्त पञ्चमी(सरस्वती पुजा)को अवसरमा बिधिवत उद्घाटन तथा हस्तान्तरण गरिएको छ ।
पूर्व बिद्यार्थी मञ्च ज्यामिरगढीका अध्यक्ष डिग वहादुर वुढाथोकीको अध्यक्षतामा एवम विद्यार्थी रक्षा राजवंशीको प्रमुख आतिथ्य तथा मेचीनगर नगर शिक्षा प्रमुख होमनाथ भण्डारी र वडाअध्यक्ष गुणराज भट्टराईको विशिष्ट आतिथ्यमा कार्यक्रम सम्पन्न भएको हो ।
कार्यकममा विद्यालयका प्रधानाध्यापक सन्तप्रसाद चम्लागाई ,पूर्व अध्यक्ष जयप्रसाद भेटवाल, पूर्व प्रधानाध्यापक भिमबहादुर खवास, वडाअध्यक्ष गुणराज भट्टराई, मेचीनगर नगर शिक्षा प्रमुख होमनाथ भण्डारी लगायतले शुभकामना मन्तव्य राखेका थिए ।
सचिव कुलप्रसाद शिवाकोटीले सञ्चालन तथा विद्यालय व्यवस्थापन समितिका अध्यक्ष तथा पूर्व प्रधानाध्यापक मन्जु बस्नेत अधिकारीले स्वागत मन्तव्यसहित कार्यक्रमको औचित्यमाथि प्रष्ट पारेकी थिइन् । 
विद्यालय परिवार, पूर्व विद्यार्थीहरु, अविभावक तथा स्थानीयबाट रकम सङ्कलन गरी निर्माण गरिएको निर्माण समितिका अध्यक्ष समेत रहेका मञ्चका अध्यक्ष डिगबहादुर वुढाथोकीले बताए । सरस्वतीको मूर्ति अविभावक नरप्रसाद पौडेलले निःशुल्क सहयोग गरेको उनले बताए । गतबर्ष फागुन २ गते सरस्वती पुजाकै दिन शिलान्यास गरिएको उनले जानकारी दिए ।
