भेडेटारबाट ४० केजी अवैध सुर्ती बरामद

झापा / धनकुटाको साँगुरीगढी गाउँपालिका-६ भेडेटार चोकबाट आज विहान अवैध गाडीमा लोड गरेर लैजादै गरेको ४० केजी सुर्ती प्रहरीले बरामद गरेको छ ।

सुनसरीको इटहरीबाट तेह्रथुमतर्फ जादै गरेको बा ४ ख ८०१ नम्बरको यात्रुवाहक हायस गाडी भेडेटार चोकमा रोकी चेकजाँच गर्ने क्रममा कागजात विना गाडीको पछाडिको सिटमा राखी लैजादै गरेको सुर्ती फेला पारी बरामद गरिएको जिल्ला प्रहरी कार्यालय धनकुटाले जानकारी दिएकाे द्ध । गाडीको पछाडिको सिटमा दुई वटा बोरामा प्याक गरी ४० केजी अन्दाजी २४ हजार मुल्य बराबरको अवैध सुर्ती बरामद गरिएको प्रहरीले बताएको हाे ।

अवैध सुर्ती सहित गाडी र चालकलाई पनि प्रहरीले नियन्त्रणमा लिइएको छ । मोरङको लेटाङ नगरपालिका-९ स्थायी घर भई हाल सुनसरीको इटहरी उपमहानगरपालिका-५ बस्ने ४८ वर्षीय मंगलबहादुर लिम्बू र उहाँले चलाएको हायस गाडी र बरमद गरिएको अबैध सुर्ती सहित आवश्यक कानुनी कारवाहीको लागि आजै आन्तरिक राजश्व अनुसन्धान कार्यालय इटहरी सुनसरीको जिम्मा लगाएको प्रहरीले जनाएको छ ।